fbpx
#Identitât #Manifestazions

Fieste de Patrie dal Friûl

Ai 3 di Avrîl dal 1077 si decretà la nassite dal Stât Patriarcjâl furlan, la istituzion che e tignì adun fint al XV secul il Friûl e tancj altris teritoris intun unic organisim statuâl, che pe epoche al rivà a vê formis di organizazion civîl cetant indenant. Pal so significât, il 3 di Avrîl al rapresente un moment impuartant pe comunitât furlane, une vere fieste par memoreâ e tornâ a pensâ in clâf moderne lis formis di autoguvier e di rapresentativitât che, par tant timp, a àn caraterizât la Patrie dal Friûl.

Dopo cetancj agns di coordenament de Fieste di bande dal Istitût Ladin Furlan “Pre Checo Placerean”, dal 2015, in graciis de aprovazion de Leç Regjonâl n. 6 dai 27 di Març, che e à l’obietîf di ricuardâ e valorizâ lis origjins, la culture e la storie di autonomie dal popul furlan, e je la ARLeF a sostignî la realizazion de celebrazion uficiâl de Fieste, insiemi a ducj i events corelâts che si fasin in chel periodi.

Il valôr di cheste ricorence fondamentâl si palese cuant no si cjale dome il sempliç aspiet filologjic de celebrazion e si lasse in bande chel di rievocazion storiche par concentrâsi sui principis di specialitât che a fasevin de Patrie dal Friûl, in graciis dal so parlament, un dai Stâts plui avanzâts pe epoche.

Consulte i materiâi

Ogjet Cjale
La bole imperiâl di Indrì IV
I simbui de Patrie
La storie de Fieste

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304