BANTS GARIS AVÎS
27.08.2015
Avîs pe selezion di volontaris

La ARLeF, dilunc dal 2015, e sarà presint cuntun so stand a diviersis manifestazions par promovi la lenghe furlane, dant fûr materiâi divulgatîfs e gadgets. La ARLeF e intint, par chest, valêsi de colaborazion di un numar massim di vincj volontaris par dâ il bon acet ai visitadôrs, pe distribuzion dai materiâi, par dâ informazions ancje in plui lenghis al public e pal supuart logjistic.
I volontaris a davuelzaran lis lôr ativitâts a gratis e a colaboraran adun cul personâl de ARLeF responsabil de gjestion dai events. Si domande ai volontaris di dâ la lôr disponibilitât a partecipâ a un curt percors di formazion e la presince a une o plui di chestis manifestazions:
  • 10/11/12/13 Setembar: Friuli Doc – Udin
  • 19/20 Setembar: Festa della mela – Tumieç
  • 24/25/26/27 Setembar: Gusti di Frontiera – Gurize
  • Dai 25 di Novembar ai 11 di Dicembar: Suns Europe, festival european des arts performativis in lenghe minoritarie (musiche, cine, leterature)
Al pues presentâ domande di partecipazion dome cui che al à plui di 18 agns. Te sielte a varan la prioritât i zovins jenfri i 18 i 40 agns, cun esperience tai rapuarts cul public e cun cognossince di une o plui jenfri chestis lenghis, dongje dal talian: furlan, inglês, todesc, sloven.
Lis domandis di partecipazion, compiladis e cun ducj i alegâts domandâts, a van mandadis ae ARLeF dentri di lunis ai 07 di Setembar dal 2015 cuntune di chestis  manieris: vie PEC - arlef@certgov.fvg.it; vie e-mail - arlef@regione.fvg.it; cun consegne a man in orari di ufici alì de sede de ARLeF in vie della Prefettura n. 13, a Udin.
Date di scjadince 07.09.2015
23.03.2015
Servizi civîl nazionâl in ARLeF - Publicazion graduatorie
bant scjadût

Il Dipartiment de Zoventût e dal Servizi Civîl Nazionâl al à dât fûr un bant pe selezion di 212 volontaris di inviâ tai progjets di Servizi civîl te Regjon Friûl Vignesie Julie. Dentri de graduatorie dai progjets presentâts dai ents acreditâts, al è ancje il progjet promovût de ARLeF par doi volontaris: Plui civîl par furlan
A puedin partecipâ ae selezion i citadins europeans, cence distinzion di ses che, ae date di presentazion de domande, a vedin disevot agns finîts e no plui di vincjevot. In particolâr, par partecipâ ae selezion, si domandin la cognossince de lenghe furlane, la cognossince de informatiche di base, buinis capacitâts di comunicazion.
VISITE LA SEZION DEDICADE par plui informazions e par discjamâ la documentazion relative.

Date di scjadince 23.04.2015
28.01.2015
BANTS 2014 - MODULISTICHE BENEFICIARIS

Bants anuâi par sostignî lis ativitâts che a promovin la lenghe furlane tai setôrs de editorie, de ricercje sientifiche e dal spetacul. MODULISTICHE DI DISCJAMÂ
La modulistiche e va compilade dome dai beneficiaris dai contribûts assegnâts tal an 2014 a valê sui bants publicâts ai 18 di Jugn dal 2014 e ai 17 di Dicembar dal 2014 pal supuart des ativitâts finalizadis a promovi la lenghe furlane tai setôrs de editorie, de ricercje sientifiche e dal spetacul.