Furlan
Italiano
Suns
La gnove musiche furlane al è un fenomen che dai prins agns Novante al à cjapât dentri cetancj musiciscj impegnâts a meti dongje la lenghe furlane cun diviers gjenars musicâi, de tradizion ae sperimentazion, te suaze de inovazion de culture, dal costum, de editorie (no dome locâl) e dal marcjât (no dome discografic). Cheste e je une piçule antologjie che e cjape dentri lis primis ideis (fin a dut il 1998) che za a mostrin i trats fondamentâi dal moviment che vuê al à cjapât une sô consistence e continuitât. La sielte di dodis esemplis musicâi i tescj, lis traduzions e la introduzion critiche che i vûl, a fasin di cheste “piçule antologjie” un imprest par capî ce che si è davuelt in Friûl tai ultins doi decenis tal rapuart jenfri musiche e lenghe.
