Furlan
Italiano
ARLeF
Cui che o sin
La ARLeF – Agjenzie Regjonâl pe lenghe furlane e definìs e e met in vore lis azions di politiche linguistiche cul fin di promovi e sostignî il davuelziment coordenât e unitari dai programs di iniziative realizâts de Regjon e di chês altris Aministrazions publichis dal Friûl Vignesie Julie in materie di tutele de lenghe furlane e di promozion dal so ûs in ducj i ambits de comunicazion e de vite moderne. La Agjenzie e favorìs duncje la colaborazion tra organisims publics e privâts che a lavorin pe cognossince, la difusion e l’ûs de lenghe furlane. Cun di plui e definìs, su la fonde di criteris sientifics, i nivei di valutazion, di ricognossiment e di certificazion des professionalitâts impegnadis a puartâ indenant lis ativitâts di tutele e promozion de lenghe furlane. E promôf la cognossince e l’ûs de grafie uficiâl, e organize cunvignis, seminaris e altris iniziativis indreçadis a promovi l’aprofondiment di cognossincis e il scambi di esperiencis.
